Kryeministri i vendit, Ramush Haradinaj është takuar sot në Londër me ministrin e shtetit për Forcat e Armatosura të Britanisë së Madhe, Mark Lancaster.

Haradinaj ka shkruar në Facebook se me Lancaster biseduan për zhvillimet e përgjithshme politike dhe të sigurisë në Kosovë e më gjerë, përcjell arbresh.info.

Lexoni të plotë statusin:

Gjate vizitës zyrtare në Londër, sot takova Ministrin e Shtetit për Forca të Armatosura të Britanisë së Madhe, Mark Lancaster, të cilin e falënderova për bashkëpunimin dhe përkrahjen e vazhdueshme të Britanisë së Madhe në forcimin e subjektivitetit ndërkombëtar për Kosovën.

Me Ministrin Lancaster biseduam për zhvillimet e përgjithshme politike dhe të sigurisë në Kosovë e më gjerë si dhe kërkova mbështetjen e Britanisë së Madhe për Forcën e Sigurisë së Kosovës dhe procesin e tranzicionit të saj në Forca të Armatosura të Kosovës.

Shqyrtimi i mundësive për pjesëmarrjen e forcës sonë në operacionet paqeruajtëse në kuadër të trupave ushtarake britanike ishte poashtu një temë e diskutimit.

Marrëdhëniet bilaterale të shkëlqyera mes dy vendeve tona do të thellohen edhe me tepër në të ardhmen dhe e sigurova Ministrin Lancaster se Kosova mbetet e palëkundur ne drejtimin e saj drejt anëtarësimit te plotë në NATO dhe BE.

RH